Forca amerikane, kanadeze e polake të KFOR-it kanë mbërritur në pjesën veriore të Kosovës, gjegjësisht në pikëkalimin kufitar me Serbinë, në Jarinjë.

Nuk dihet arsyeja e shkuarjes së tyre atje, mirëpo më herët u raportua nga një medium lokal, Albanian Post, se KFOR-i do ta marrë përsipër situatën në pjesën veriore të vendit, ku serbët lokalë kanë bllokuar rrugët që çojnë në për në pikat kufitare Jarinjë dhe Bërnjak, pas vendimit të qeverisë për reciprocitet rreth targave me Serbinë, shkruan Zeri.info.

Mediumi serb lokal, “KosovoOnline”, ka publikuar edhe fotografi ku shihen forcat e KFOR-it në afërsi të Jarinjës.

Në pjesën veriore, tash e tetë ditë po qëndrojnë forcat speciale të Policisë së Kosovës. Sipas kryeministrit Kurti, forcat speciale janë dislokuar në këtë pjesë të territorit të Kosovës për të ruajtur sigurinë e policisë kufitare, por edhe të të gjithë qytetarëve në atë pjesë të vendit.

Kryeministri Kurti, ndërkaq, në konferencën e përbashkët për media me kryeministrin Edi Rama, sot tha se nuk ka informacione se KFOR-i do të ndërhyjë në veri.

IN Promo Marketing

Suksesi i radhës për ‘R & Rukolli Group’: Pijet e reja depërtojnë në tregun gjerman

Intel dhe Nvidia sjellin bashkëpunimin historik: Procesorë Intel me grafikë RTX të integruar

Shërbimi i Telefonave në Zone Mobile: Tani më Lehtë, Më Shpejt dhe Më Lirë!