Konferenca ndërkombëtare e çarmatimit bërthamor “Ndërtimi i një Bote të lirë pa armë bërthamore”, do të mbahet në kryeqytetin e Kazakistanit, Astana më 29 gusht, në 25 vjetorin e mbylljes së zonës eksperimentale bërthamore Semipalatinsk, raporton Anadolu Agency.

Konferenca do të hapet nga Presidenti i Kazakistanit, Nursultan Nazarbajev, ndërsa të pranishëm do të jenë zyrtarë, ekspertë të çarmatimit dhe analistë politikë nga e gjithë bota.

Bashkë organizatorë të konferencës janë Senati i Kazakistanit, Ministria e Punëve të Jashtme dhe deputetët për mospërhapjen dhe çarmatimin e armëve bërthamore (PNND).

“Siguria pa armë bërthamore apo luftë: “Manifesti Botëror për shekullin 21” dhe “Moslejimi Kombëtar” dhe zonat e lira të armëve bërthamore, Gjeografia e një bote të qëndrueshme, janë ndër temat e ngjarjes.

Më 29 gusht 1991, Presidenti Nazarbajev zyrtarisht mbylli zonën eksperimentale bërthamore Semipalatinsk (e njohur edhe si “Poligoni”), e cila ishte zona kryesor e testimit të armëve bërthamore të Bashkimit Sovjetik./Insajderi.com