Lista Serbe nuk po merr pjesë në mbledhjen e sotme të Kryesisë së Kuvendit. Kjo mbledhje ka nisur pak më herët me shefat e Grupeve Parlamentare.

Lista Serbe dje kanë njoftuar se kanë marrë vendim ta ngrijnë pjesëmarrjen e tyre në Kuvend e Qeveri për shkak të Ligjit për Trepçën.

Ata nuk janë pajtuar me mënyrën se si është miratuar Ligji për Trepçën. Sipas zyrtarëve të kësaj partie, Qeveria nuk i ka konsultuar ata për këtë ligj, për të cilin kanë thënë se nuk i mbron interesat e serbëve në veri në Kosovës.

Ligji për Trepçën është miratuar në Kuvendin e Kosovës me shumicë votash tek pas mesnatës, pas një pune të gjatë.