Organizatat e shoqërisë civile në Shqipëri e kanë filluar një fushatë 10-ditore për mbledhjen e fondeve për fëmijët në Siri.

Kjo nismë është marrë dje nga Qendra për Bashkëpunim Ndërfetar dhe Kryqi i Kuq i Shqipërisë në qytetin e Elbasanit, ndërsa një xhami lokale e ka dhënë kontributin e parë prej 500 mijë lekësh apo 3 mijë 634 eurosh.

Sokol Lulgjuraj nga Qendra ndërfetare tha se të hollat do të dërgohen në Kryqin e Kuq Ndërkombëtar dhe Gjysmëhënën e Kuqe, që operojnë në Siri, “për të dhënë një ndihmë modeste për fëmijët sirianë, që kanë nevojë dhe ata që vuajnë nga pasojat e luftës”, raporton agjencia e lajmeve AP.

Shqipëria është krenare për harmoninë e saj ndërfetare, pasi popullata 3-milionëshe, me shumicë myslimane dhe komunitetet ortodokse dhe katolike jetojnë në tolerancë.