Mjekja e Qendrës Kryesore së Mjekësisë Familjare në Prishtinë, Manushe Sadikaj është parë gjatë ditës së djeshme se si po e neglizhonte orarin e punës. Gazeta Insajderi ka raportuar ekskluzivisht për rastin.

Ajo është kapur duke qëndruar e shtrirë, këmbën mbi këmbë teksa në duar po mbante telefonin në njërën prej dhomave të kësaj qendre. Ndërkohë në korridore të qendrës vërehej fluks i madh i qytetarëve për të bërë testin e Covid-19, meqë në këtë qendrës po kryhen edhe këto shërbime.

Lexues të Insajderit kanë rrëfyer se kolegut të saj i ka dalë në ndihmë sigurimi i kësaj qendre ndërsa kjo e fundit po shikonte ‘storiet’ e miqve të saj në Instagram.

“Si hymë në pranim kanë qenë dy çika të reja, ato na marrshin letërnjoftimet, një doktor veç u kanë tu punu, edhe sigurimi u shihke tu i nimu, a qekjo motra, me sy te mi e pashë këmbën mbi këmbë edhe rrike”, i tha njëri prej dëshmitarëve të rastit Insajderit.

Sadikaj nuk i është bërë vonë as kur doktori i përmendur nga dëshmitari i ka kërkuar ndihmë.

Sot për rastin Gazeta Insajderi ka kontaktuar drejtorin e Shëndetësisë në Komunën e Prishtinës, Izet Sadiku. Ai konfirmoi se e kanë pranuar rastin dhe që janë duke u marrë me të.

“E kemi pranuar rastin, kemi kontaktuar me QKMF në fjalë, janë mekanizmat e veçanta që po merren me rastin, do të njoftoheni me kohe për çdo vendim”, tha Sadiku për Insajderin.

Video

IN Promo Marketing

KESCO prezanton oferta të reja për bizneset në tregun e hapur

Numërimi i ditëve ka filluar – më 3 Tetor zbulohet fituesi i madh

Meridian Express për ditëlindjen e 13-të, dhuron 10,000 € për kampanjën “Biblioteka e Fëmijëve në Pallatin e Rinisë”