Shoqata Shqiptare Kosova-Montreal ka njoftuar me dhimbje të thellë për vdekjen tragjike të Elzina Morina, 34 vjeç, dhe djalit të saj të vogël, Elon Morina, vetëm 3 vjeç, të cilët humbën jetën në një aksident të rëndë në një pishinë në Montreal, shkruan Insajderi.
“Kjo humbje ka tronditur thellësisht të gjithë komunitetin tonë. Vdekja e një nëne të re dhe e fëmijës së saj është një plagë e rëndë për familjen, të afërmit dhe të gjithë ata që i kanë njohur”, thuhet në njoftimin e shoqatës.
Detajet rreth ceremonisë:
Ceremonia e lutjeve dhe nderimit për Elzinën dhe Elonin do të mbahet të shtunën, më 15 qershor 2025, në ora 13:00, në Xhaminë “Balkan Muslim Community”, në adresën:
📍 2836 Rue Allard, Montréal, QC.
Përcjellja për në banesën e fundit do të bëhet në:
📍 5505 Rang du Bas-Saint-François, Laval, QC H7E 4P2.
Pamja për ngushëllime do të mbahet të dielën, më 16 qershor, nga ora 10:00 – 14:00, po ashtu në ambientet e xhamisë “Balkan Muslim Community”.
Shoqata Kosova-Montreal i ka shprehur ngushëllimet më të sinqerta familjes Morina, duke u solidarizuar me dhimbjen që ka kapluar komunitetin shqiptar në Kanada pas kësaj tragjedie të rëndë.
“Zoti qoftë me ju!”, thuhet në njoftim.
Materialet e publikuara nuk mund të kopjohen ose përdoren pa lejen paraprake të redaksisë së Insajderit.
© 2016-2025 Gazeta Online Insajderi - Të gjitha të drejtat e rezervuara.
