Barcelona zyrtarizoi tre ditë më parë firmën me Dani Olmon, duke finalizuar transferimin e tij nga Leipzig për një shifër që i afrohet 60 milionë eurove.

Një përforcim shumë i rëndësishëm për katalanasit e drejtuar nga Hansi Flick, i cili më në fund ka në dispozicion “regjisorin’ për repartin e avancuar, shkruan Express.

Por, për ta parë në fushë me ekipin në ndeshje zyrtare, duhet pritur, pasi katalanasit për momentin nuk e regjistrojnë dot futbollistin spanjoll.

Ashtu siç ka ndodhur edhe më parë, katalanasit janë mbi limitet financiare të imponuara nga La Liga dhe për të regjistruar lojtarin duhet që më parë të shesin futbollistë apo të sigurojnë të ardhura në mënyrë tjetër.

Klubi është vënë në kërkim të zgjidhjes së këtij telashi, që do të linte Olmon si spektator në javën e parë të kampionatit, për të mos thënë më shumë, nëse nuk respektohen parametrat e vendosur nga La Liga