Opinionisti politik, Valon Syla ka komentuar veprimet e Partisë Socialdemokrate karshi kundërshtimit që po i bëjnë Qeverisë Kurti me aksione e protesta të herëpashershme.

Syla në intervistë për Gazetën Insajderin është shprehur që PSD është veç altoparlant i Vetëvendosjes së Albin Kurtit. Përmend aksionet e këtyre të fundit ndaj vendimit për rritjen e tarifës për energji elektrike.

“Në atë që shihet PSD-ja është një altoparlant i VV-së, pra PSD-ja e ka një kauzë që të jetë kundër Albin Kurtit përndryshe VV ta marrë ajo, pra nëse e shikojmë çështjen që e kanë me KEDS me energji elektrike, p.sh rritja e çmimeve mesazhi i PSD-së nuk është që rritja e çmimeve është gabim i Albin Kurtit por thotë privatizimi e ka shkatu, rritjen ekonomike që është rren, kopall – nëse e shikojmë PSD-në në format e protestave në vrullin e mesazhit që i prek të gjithë qytetarët në shtrenjtimin e energjisë së faturave, që na i qon KEDS-i është e vërtetë por ato janë fatura që i përcakton çmimi shteti e jo KEDS-i dhe tash nëse secili na vjen rryma për 99% më shtrenjtë e dikujna i vjen veç 2% më shtrenjtë se nuk ka harxhim se këtu është një problem tjetër që njerëzit e pasur nuk zijnë në shpi, hajnë jashtë”, ka thënë Syla për Insajderin.

Sipas Sylës pretendimet e PSD-së që po mbrojnë shtresën e varfër të shtetit nuk qëndrojnë. Thekson se si VV ashtu edhe PSD në thelb janë demagoge.

“…njerëzit e pasur punojnë 8 orë në ditë, minimumi rrijnë në zyre, nuk harxhon ai rrymë nuk qet pite gruaja e tij, nuk i ka 7-8 anëtarë me harxhu rrymë, kush harxhon rrymë këtu, harxhon fukaraja se ai han bukë gjithë ditën, totalisht një jo-seriozitet i PSD-së kur kapet me VV-në se të dytë janë demagog”, është shprehur ai.

Syla ka ironizuar me Molliqajn duke e krahasuar atë me Kurtin.

“Nëse Albin Kurti i ka lexu 100 libra, Dardan Molliqajt ja ka jep 20 me i lexu, qetu është dallim edhe ato libra janë për Lenjinin dhe disa filma të Shqipërisë që i kanë këqyrë kështu për me u indoktrionu më shumë bardh e zi. PSD është veç një mllef momental të cilin e kryen, i ka aksionet atraktive janë aty nja 4-5 vetë që me të vërtetë mund të bëjnë të ardhmen por qetu i pamë me parulla, tu marrë me do sene ideoligjike-komuniste”, tha Syla.

Ai potencon se mënyra e të protestuarit të PSD duhet të ndryshojë.

“Po dalin nga opozitarizmi perime, nëse Albin Kurti e ka gjuajt Policinë me gurë, opozita e sotme do të duhej policisë t’i jap sendviqa e qaj të nxehtë për me bë dallimin, se gjuaj Albini Policinë e gjuaj opozita policinë unë mendoj që në fund kopja gjithë e pëson, pra gjithë votuesi e zgjedh një origjinal”, ka deklaruar gazetari Syla.

Duke e cilësuar PSD si kopje të Vetëvendosjes Syla parashikon dështimin e saj.

“A dul Ramushi në zgjedhjet e fundit thanë 100% taksë, 100% koalicion 5.4% rënë, gati veç që s’ranë prej pragu. Është totalisht kopje, e kopja nuk e përballon elektoratin këtu duhet të zhvillohen partitë e djathta e ta ri-gjejnë vetën të majta kemi boll”.

Syla ka thumbuar edhe për pjesën e “socialdemokratit”. Shtoi se PSD e VV janë veç refelksion i një edukimi të keq.

“..tri parti socialdemokrate i kemi dikun mi 400 veta i kemi asistentë të ndihma sociale edhe këtu hale thonë se nuk është boll Kosova socialiste, hale duhet me u bë që me u ndreq, po këtu është një absurd i madh edhe i pa vërtetë edhe me gjasë problem i edukimit që më shumë prodhon njerëz të këtij lloji që presin që shteti të ia gjejë punën, e banesën, të hynë në punë shtetit se është më mirë e kështu me radhë sesa që të krijojnë diçka vet dhe në fund kemi parë që ky sistem ka kriju parazitë dhe PSD dhe VV janë veç ndoshta refleksion i një edukimi të keq dhe një sistemi dështum në Jugosllav që po mundohen me u rigjetë në tregun e lirë”, ka thënë ai për Insajderin.

Intervista e plotë me gazetarin Valon Syla:

IN Promo Marketing

KESCO prezanton oferta të reja për bizneset në tregun e hapur

Numërimi i ditëve ka filluar – më 3 Tetor zbulohet fituesi i madh

Meridian Express për ditëlindjen e 13-të, dhuron 10,000 € për kampanjën “Biblioteka e Fëmijëve në Pallatin e Rinisë”