Instituti Atlas përmes një reagimi në Facebook ka thënë se nëse ZRrE vendos të rrisë të hyrat maksimale të lejuara me 15%, atëherë kërkojnë nga Qeveria e Kosovës të heqë TVSh-në në faturat e rrymës.
Gjithashtu, ky institut ka kërkuar zbatimin e opinionit të Avokatit të Popullit dhe gjykatave të Kosovës, duke i kthyer konsumatorëve 132.5 milionë euro, siç thuhet në reagim, të paguara padrejtësisht për konsumin e energjisë në veri.
“Nëse ZRrE vendos të rrisë të hyrat maksimale të lejuara me 15%, Instituti Atlas kërkon nga Qeveria e Kosovës të heqë TVSh-në prej 8% në faturat e energjisë elektike dhe të zbatojë opinionin e Avokatit të Popullit dhe gjykatave të Kosovës, duke i kthyer konsumatorëve 132.5 milionë euro të paguara padrejtësisht për konsumin e energjisë në veri”.
“Zbatimi i këtyre masave do të ulte çmimin e rrymës me 36% gjatë viteve 2025 dhe 2026”, thuhet tutje në reagimin e këtij instituti.
Materialet e publikuara nuk mund të kopjohen ose përdoren pa lejen paraprake të redaksisë së Insajderit.
© 2016-2025 Gazeta Online Insajderi - Të gjitha të drejtat e rezervuara.
