Kryeministri izraelit, Benjamin Netanjahu e anuloi takimin me ministrin e Jashtëm në Jeruzalem. Arsyeja është është një takimi i planifikuar i Gabrielit me përfaqësues organizatash kritike ndaj qeverisë.

Takimi më i rëndësishëm i ministrit të Jashtëm të Gjermanisë, Sigmar Gabriel në vizitën e tij të parë në Izrael nuk u zhvillua. Kryeministri Benjamin Netanjahu e anuloi në minutën e fundit takimin me ministrin e Jashtëm gjerman. Këtë Gabrieli e njoftoi vetë –  pak më vonë kjo u konfirmua edhe nga përfaqësues të qeverisë izraelite.

Bashkëbiseduesit kritikë të Gabrielit janë personalitete, të cilat e dënojnë para së gjithash ndërtimin e kolonive izraelite. Netanjahu pati sinjalizuar që ditët e kaluara jozyrtarisht se ai nuk është dakord me këtë takim të Gabrielit.

Gabriel: “Raporti im me Izraelin nuk ndryshon”

Por takimin e tij me përfaqësuesit kritikë të qeverisë, Gabrieli e mbrojti, që para anulimit të takimit me të nga Netanjahu. “Këtë ne e bëjmë prej shumë vitesh me shumë vende”, tha ai në ZDF. Anulimi nuk do të ishte “katastrofë” për të. “Kjo nuk e ndryshon raportin tim me Izraelin”. Takimi i Gabrielit me kritikët e qeverisë është planifikuar edhe më tej për pasdite.

Midis pjesëmarrëse janë organizatat “Breaking the Silence” (Të thyejmë heshtjen) dhe “Betselem”, të cilat e trajtojnë në mënyrë kritike politikën izraelite të ngulimeve. Në shkurt një skandal u shkaktua edhe nga takimi i kryeministrit belg Charles Mishel me të dyja këto organizata. Pas takimit, Izraeli thirri ambasadorin belg dhe i përcolli një qortim.

Netanjahu: Fyerje e rëndë

Netanjahu foli tani për një fyerje të rëndë. Marrëdhëniet gjermano-izraelite janë gjithsesi të tendosura. Qeveria gjermane e ka kritikuar ashpër ligjin izraelit për të legalizuar 4000 koloni izraelite në toka private palestineze. Pak më vonë u shtynë konsultimet qeveritare gjermano-izraelite – për shkaqe kohe, u tha. Mediet izraelite shprehën supozimin se shtyrja kishte të bënte me zemërimin gjerman për ligjin e kolonive.(dw)