Më në fund, Netflix ka vendosur të dëgjojë përdoruesit e vet. Kompania e shquar e transmetimit të filmave e serialeve, bëri të ditur se përdoruesit mund të shkarkojnë përmbajtjet e Netflix dhe ti shohin ato ‘offline’.

Për këtë qëllim, Netflix ka shtuar një buton të ri për një listë të caktuar filmash dhe shfaqjesh televizive, të cilët do të mund të shikohen ‘offline’, por planifikon të shtojë këtë listë në të ardhmen, njofton The Verge.

Disa prej filmave dhe serialeve të disponueshëm për shkarkim janë Stranger Things, Orange is the New Black, Narcos dhe The Crown.

Opsioni i shkarkimit është i disponueshëm në Android dhe iOS./Insajderi.com