Kryetari i Sindikatës së Pavarur të Sektorit Privat në Kosovë, Jusuf Azemi, ka njoftuar se nga dita e nesërme Qendra e Mjekësisë Familjare në Prishtinë nuk do të kenë shërbime higjienike.

Me anë të një postimi në Facebook, ai tha se kjo gjë ndodh për shkak se kompanisë aktuale sot i ka skaduar kontrata, duke theksuar se disa herë kemi punuar edhe pa kontrata me qëllim që pacientëve tu lehtësojmë vizitat e tyre në QMF.

“Nga nesër qendrat e mjekësisë familjare në Prishtinë nuk do të kenë shërbime higjienike fare , pasi që kompanisë aktuale sot i skadon kontrata ,dhe ne disa her kemi punuar edhe pa kontrata me qëllim që pacientëve tu lehtësojmë vizitat e tyre në qmf , por komuna asnjiher nuk është përgjigjur për pagesën tonë , andaj ftoj të gjithë punëtorët teknik në qmf e Prishtinës që mos të kryejnë asnjë shërbim pa u nënshkruar kontratat me ne.Nesër Nora 10 .00 kryetari i Federatës do të vizitoi QKMF në Prishtinë”, ka shkruar Azemi. /Insajderi/

Njoftimi i plotë: