Deputeti i Partisë Demokratike të Kosovës, Përparim Gruda, ka deklaruar se PDK nuk do të votojë me ‘votim të fshehtë’, pasi një gjë e tillë është “jokushtetuese”.

Ai theksoi se PDK mori pjesë në seancën konstituive deri në momentin kur u ndryshua rendi i ditës. Sipas tij, seancat e mbajtura deri më tani janë zhvilluar në kundërshtim me Kushtetutën.

“Sa i takon votimit të fshehtë, Gjykata e ka shpallur jokushtetues dhe e ka sqaruar këtë qartë. Për sa i përket takimit konsultativ ku mungoi Kurti, ky takim ishte një reflektim pozitiv. Ata e dinë që kanë bërë shkelje deri tani, siç ka konstatuar Gjykata, dhe janë të vetëdijshëm që insistimi për votim të fshehtë është gjithashtu shkelje e Kushtetutës. Mendojmë se kjo qasje duhet të vazhdojë. Aktgjykimi është i qartë: deputetët duhet të votojnë për, kundër ose të abstenojnë në seancë. Ne e kemi bërë këtë deri në momentin kur u ndryshua rendi i ditës. Në momentin kur kaluan në votim të fshehtë, nuk kishte arsye të merrnim pjesë në një vendimmarrje jokushtetuese. Prandaj nuk votojmë për diçka që është kundër Kushtetutës”, ka përfunduar ai.

IN Promo Marketing

Suksesi i radhës për ‘R & Rukolli Group’: Pijet e reja depërtojnë në tregun gjerman

Intel dhe Nvidia sjellin bashkëpunimin historik: Procesorë Intel me grafikë RTX të integruar

Shërbimi i Telefonave në Zone Mobile: Tani më Lehtë, Më Shpejt dhe Më Lirë!