Një burrë i armatosur me thikë sulmoi të martën disa kolegë në një kompani në Gjermaninë jugore, duke vrarë një person.
Dy persona u lënduan gjithashtu rëndë në sulmin në Mellrichstadt, qytet i vogël në lindje të Frankfurtit në Bavari, bënë të ditur policia dhe prokurorët në një deklaratë, raporton Associated Press.
Një burrë 21-vjeçar gjerman u arrestua lidhur me rastin, përcjell Insajderi.
Policia u njoftua për konfrontimin në ambientet e një furnizuesi lokal të energjisë elektrike rreth orës 7:30 të mëngjesit të së martës. Një grua 59-vjeçare u vra, ndërsa dy burra të moshës 55 dhe 62 vjeç u lënduan rëndë.
Nuk u bë e ditur motivi i sulmit. /Insajderi.org/
Materialet e publikuara nuk mund të kopjohen ose përdoren pa lejen paraprake të redaksisë së Insajderit.
© 2016-2025 Gazeta Online Insajderi - Të gjitha të drejtat e rezervuara.
