Kështu ka deklaruar Presidenti serb, Tomislav Nikoliç, duke folur për mediat greke, sipas të cilit Serbia do të aderojë në BE.

” Unë jam mirënjohës për të gjitha ato vende që nuk e kanë njohur pavarësinë e Kosovës, duke përfshirë edhe Greqinë tonë të dashur”, ka thënë Nikoliç në një intervistë për një stacion televiziv grek .

“BE-ja vështirë se do të arrijë një konsensus me të gjitha vendet anëtare në lidhje me aderimin tonë, por ne jemi duke negociuar”, ka theksuar Nikoliç në Korfuz ku ai u shpall qytetarë nderi.

Presidenti serb, Tomislav Nikoliç, ka thënë se edhe pas zgjedhjeve parlamentare në Serbi rruga e vendit drejt Bashkimit Europian nuk do të ndryshojë, porse në aspektin ushtarak, ai ka thënë se është e rëndësishme që të vazhdohet me neutralitet.

“Serbia duhet të bëhet anëtare e BE-së, dhe ne e duam këtë. Por Serbia nuk ka nevojë për anëtarësimi në NATO, ashtu siç NATO në Serbi nuk është e nevojshme”, shkruan Vecernje Novosti.

Presidenti theksoi se vendi ka nevojë për bashkëpunim me vendet e tjera dhe për këtë arsye insiston shumë në neutralitetin e tij./Insajderi.com