Një delegacion i Komisionit Qendror të Zgjedhjeve të Kosovës po qëndron sot në Mal të Zi për t’i vëzhguar zgjedhjet atje, të cilat mbahen sot.

Para ditës së zgjedhjeve, kryetarja e KQZ-së, Valdete Daka, është pritur në takim nga kryetari i Komisionit Shtetëror Zgjedhor të Malit të Zi, Budimir Saranovic.

Në këtë takim morën pjesë edhe kryesuesja e Panelit Zgjedhor për Ankesa dhe Parashtresa, Nazmije Ibrahimi si dhe ambasadori i Republikës së Kosovës në Mal të Zi, z. Skënder Durmishi.

Delegacioni i KQZ-së do të qëndroj në një numër të madh qendrash votimi për të vëzhguar nga afër procesin e zgjedhjeve./Insajderi.com