Të paktën një person është vrarë dhe disa të tjerë janë lënduar pasi vetura u përplas me këmbësorët në qytetin jugperëndimor të Gjermanisë, Mannheim, bëri të ditur policia lokale të hënën.
Incidenti ndodhi pak pas mesditës, bëri të ditur Stefan Wilhelm, zëdhënës i policisë së Mannheim. Një i dyshuar është arrestuar, shtoi ai.
Qeveria federale e Gjermanisë lëshoi një paralajmërim për rrezik në qytet dhe tha se një operacion policor në shkallë të gjerë është duke u zhvilluar.
Ferry Overdevest, pronar i një dyqani lulesh në Mannheim qendror, i tha CNN se rreth 30 njerëz kishin kërkuar strehim në dyqanin e tij dhe se ambulancat ishin në rrugët jashtë.
Gjermania është tronditur nga një varg sulmesh vdekjeprurëse të përplasjes me vetura në muajt e fundit. /Insajderi.org/
Materialet e publikuara nuk mund të kopjohen ose përdoren pa lejen paraprake të redaksisë së Insajderit.
© 2016-2025 Gazeta Online Insajderi - Të gjitha të drejtat e rezervuara.
