Kryeministri i Kosovës, Albin Kurti, ka bërë një reagim pasi u shënua një javë që nga sulmi terrorist nga grupi i armatosur serb në Banjskë të Zveçanit.

Kurti, me anë të një postimi në platformën ‘X’ ka thënë se përgjatë kësaj jave, “kemi qenë dëshmitarë të dhunës e kërcënimeve dhe glorifikimeve” të akteve terroriste, shkruan Gazeta Insajderi.

“Ka kaluar një javë nga sulmet tragjike terroriste të orkestruara nga Serbia. Gjatë 7 ditëve të fundit kemi qenë dëshmitarë të dhunës, kërcënimeve dhe glorifikimit të akteve të tilla”, ka thënë ndër të tjera ai.

Shefi i Qeverisë ka shprehur falënderim për ndihmën e ofruar nga aleatat për “luftën kolektive për demokraci”.

Sulmi i grupit serb është vlerësuar si akt terrorist nga akterët ndërkombëtarë.

Së fundmi, SHBA, Gjermania dhe shtetet e tjera perëndimore i kanë bërë thirrje Serbisë t’i tërheq trupat nga kufiri me Kosovën. /Insajderi.org/

It has been one week since the tragic terrorist attacks orchestrated by Serbia. Over the past 7 days, we have witnessed violence, threats, & the glorification of such acts. During this time, we deeply appreciate the support of our allies in our collective fight for democracy.

— Albin Kurti (@albinkurti) October 1, 2023