Një burrë francez dhe një tjetër kanadez janë ndër viktimat e vrara të sulmit të mbrëmshëm në Londër.

Ministri i jashtëm francez, Jean-Yves Le Drian, ka konfirmuar për mediat franceze dhe për Reuters që njëri ndër viktimat është një burrë francez.

Raporti thotë se shtatë francezë janë lënduar në sulmin e mbrëmshëm, katër nga ta në gjendje kritike. Njëri është ende i zhdukur.

Ndërsa kryeministri kanadez, Justin Trudeau, ka thënë për Association Press se njëri nga të vrarët nga sulmi është shtetas i Kanadasë.

Sulmi i mbrëmshëm terrorist në Londër la të vdekur shtatë persona dhe të lënduar 48, prej të cilëve 21 janë në gjendje kritike.

Tre sulmuesit, të cilët dyshohen të jenë militantë islamikë, janë vrarë nga policia britanike. /Insajderi.com