Piktura “Natyrë e qetë me fruta dhe gështenja” i ishte dhuruar muzeut të San Franciskos në vitin 1960 nga persona privatë, transmeton kosovapress.

Piktura nuk figuronte si pjesë e katalogut të veprave të artistit dhe disa ekspertë kishin dyshime për origjinalitetin e saj.

“Në fund të vitit të kaluar, disa ekspertë të muzeut ‘Van Gogh’ ndanë të njëjtin mendim për një pikturë të koleksionit të ‘Fine Arts Museum’ të San Franciskos si krijim të Vincent van Goghut”, pohoi për median Milou Bollen, një nga zëdhënëset e muzeut holandez.

”Gjithmonë ka pasur pikëpyetje nëse piktura ishte realizuar apo jo nga Van Gogh”, shton ajo.