Dogana e Kosovës ka njoftuar se në Aeroportin e Prishtinës ka konfiskuar disa kavanoza me mjaltë manuka të një udhëtar që po udhëtonte në linjën Stamboll-Prishtinë, e të cilat nuk i ka deklaruar, shkruan Insajderi.

Kjo është vërejtur pas kontrolleve të kryera nga skaneri.

“Më datë 12.09.2024, rreth orës 20:15, në Pikën e Kalimit Kufitar Aeroporti – Arritje, gjatë fluturimit të linjës Stamboll – Prishtinë, është selektuar për kontroll një udhëtar, i cili kishte zgjedhur kanalin e gjelbër për të kaluar”.

“Pas kontrollit të valixheve dhe analizës së imazheve nga skaneri, u hasën mallra të padeklaruara si më poshtë:

• 38 copë Mjaltë Manuka “AIRBORNE” 30+ (500 gr), me vlerë 2,047.44€
• 18 copë Mjaltë Manuka “AIRBORNE” 50+ (500 gr), me vlerë 875.34€
  Vlera totale e mallit të padeklaruar është 2,922.78€, ndërsa shmangia nga obligimet doganore është llogaritur në 871.00€.

Në njoftim thuhet se ky rast është trajtuar sipas procedurave ligjore të Doganës së Kosovës, dhe rrjedhimisht mallrat janë sekuestruar.

Dogana e Kosovës mbetet e përkushtuar për të ruajtur sigurinë dhe integritetin e kufijve tanë, duke garantuar që të gjitha mallrat të deklarohen në përputhje me ligjin.