Një grua shqiptare dyshohet se është mbytur në një plazh të Phuket të Tajlandës, të martën në mbrëmje.

Policia në stacionin e Karonit ka njoftuar se Daniela Idrizi, 41-vjeçare, u shpall e vdekur në Spitalin Chalong në orën 18:00.

Në spital, bashkëshorti i saj 43-vjeçar egjiptian, Mohamed Alsaba, i tha policisë se kanë mbërritur në Phuket të martën dhe janë akomoduar në një hotel në orën 14:00. Ata po planifikonin të qëndronin deri të enjten.

Siç ka përshkruar bashkëshorti i viktimës, rreth orës 16:00 ata kanë shkuar në plazh dhe gruaja e tij u mbyt në ujë.

Rojet bregdetare e shpëtuan gruan dhe raportuan se ajo ishte pa ndjenja. Ajo u dërgua me urgjencë në Spitalin Chalong ku stafi u përpoq ta ringjallte, por pa sukses.

Trupi i saj u dërgua më pas në Spitalin Vachira Phuket për autopsi.

IN Promo Marketing

Suksesi i radhës për ‘R & Rukolli Group’: Pijet e reja depërtojnë në tregun gjerman

Intel dhe Nvidia sjellin bashkëpunimin historik: Procesorë Intel me grafikë RTX të integruar

Shërbimi i Telefonave në Zone Mobile: Tani më Lehtë, Më Shpejt dhe Më Lirë!