Ish-pjesëtari i UÇK-së, Artan Hoti, ka shpalosur kujtime rreth masakrës në fshatin Izbicë të Skenderajt, që ndodhi para 23 vjetëve.

Ai këtë ditë e cilësoi si më të keqën në jetën e tij, ditë kjo ku u masakruan 147 persona.

“Disa ditë më parë forcat e NATO-s sulmuan top çarqet serbe, pastaj serbët e mllefosur e rrethakuan hekurt Drenicën. Ishte data 28 mars 1999, ka qenë dita e Kurban Bajramit, forcat serbe pasi hasën në rezistencë në disa fshatra si Ozdrim, Kodër të Hotit dhe disa fshatra, u kthyen dhe hyrën në fshatin Izbicë ku ishin të strehuar 53 fshatra nga komuna e Skenderajt. Ata i ndanë pleqtë, burrat dhe fëmijët nga familjet e tyre, i torturuan dhe i masakruan në mënyrën më barbare”, tha ai për Klan Kosova.

Sipas tij forcat serbe u munduan të shfarosnin gjithçka.

“Ishte dita më e keqe e jetës sime. Ata u munduan me shfarosë gjithçka në Drenicë, kanë djegur gjitha shtëpitë, kanë vrarë gjithçka mbi tokë”, shtoi Hoti.

Ai madje tha se serbët masakruan pa kursyer edhe fëmijë.

“Një vajzë gjashtëmuajshe e kanë kallur të gjallë”, vazhdoi ai.

IN Promo Marketing

KESCO prezanton oferta të reja për bizneset në tregun e hapur

Numërimi i ditëve ka filluar – më 3 Tetor zbulohet fituesi i madh

Meridian Express për ditëlindjen e 13-të, dhuron 10,000 € për kampanjën “Biblioteka e Fëmijëve në Pallatin e Rinisë”