Ish-presidenti Behgjet Pacolli ka bërë të ditur se është takuar me dy shqiptarë policë në Shtetet e Bashkuara të Amerikës, derisa ishte duke ecur në rrugët e New York.
Në një postim në Facebook, ai shpërndau një fotografi me dy të rinjtë shqiptarë, duke thënë se për të ishte krenari.
“Ishte një kënaqësi dhe krenari e veçantë të shihja që në rrugët e New Yorkut ndalet një makinë e policisë që patrullonte nëpër Park Avenue dhe nga makina dalin dy policë duke më thirrur në emër e duke më përshëndetur me një ngrohtësi patriotike”.
“Njëri ishte nga Deçani e tjetri nga Shkodra. Sa moment i bukur!”, ka shkruar Pacolli.
Materialet e publikuara nuk mund të kopjohen ose përdoren pa lejen paraprake të redaksisë së Insajderit.
© 2016-2025 Gazeta Online Insajderi - Të gjitha të drejtat e rezervuara.
