Personi i evidentuar nga antiterrori i Kosovës si përgatitës i planit tashmë të dështuar për atentat ndaj Albin Kurtit, ëshë hetuar për disa ngjarje kriminale në Shqipëri. Prek Kodra është pyetur, madje analiza e tij e ADN-së dhe gjurmët e gishtave janë krahasuar me disa atentate me snajper, por krahasimi ka dalë negativ.

Prek Kodra, një prej emrave të dalë së fundmi në korrespodencën e postës elektronike të ish-drejtorit të Policisë së Shtetit, Gledis Nano, rezulton një person jo i panjohur nga policia kriminale në Shqipëri.

Kodra ka qënë pjesë e një hetimi operativ të kryer, mes njësisë së antiterrorit në Kosovë dhe Shqëipëri, lidhur me planin e ekzekurimit të kryeministrit aktual të Kosovës, Albin Kurti.

Por “Ora News” mëson nga burime të mirë informuara se emri i Dukagjinasit del dhe tel dosja penale e vrasjes së Kastriot Reçit. Ngjarje kjo e ndodhur në Rrëshen në datën 7 janar 2020.

Sipas burimeve nga policia dhe prokuroria e Lezhës, Prek Kodra, nga viti 2020 ka qënë person i dyshuar si autor i mundshëm i ngjarjes. Por për shkak se nuk gjendej në Shqipëri, marja e një analize AND-jë nga policia ka qënë e pamundur. Për dobi të kësaj çështje hetimore.

Albin Kurti tregon: Kam qenë në dijeni të planit për tri atentate
Kodra është shënuar në sistemin kufitar TIMS me ngjyrë “Rozë” dhe sapo ka zbritur në RINAS në muajin korrik 2022 Prek Kodra është shoqëruar me qëllim marrjen e një kampioni ADN-je.

Nga testimi i profilit të ADN-së së Kodrës me profilin e ADN-së të sekuestruar në banesën nga u qëllua me snajper Kastriot Reçi, nuk u gjendët të dhëna përputhshmërie.

E njëjta situatë ka dalë edhe me krahasimin e gjurmëve të gishtave.

Plan vrasje për Albin Kurtin/ Hakerat publikojnë e-mailin e Nanos, si u hartua plani për goditjen e Kryeministrit me snajper

Gjurmët e gishtit të Prek Kodrës, policia dhe prokuroria e Lezhës i ka pasur prej vitit 2016. Kohë kjo kur Prek Kodra, ka qënë i dyshuar për vrasjen e ish-punonjësit të policisë së Gjykatës, Dritan Lorenci.

Këto gjurmë gishti janë krahasur me ato të gjetura në vendin e ngjarjes dhe rezultoi një përgjigje negative.

Njëherësh Prek Kodra, është marë në pyetje në muajin korrik 2022, i cili ka dhënë dëshminë e tij lidhur me vendodhjen e tij ditën e krimit. Emri i Kodrës, përfshihet nga policia kriminale dhe në ngjarje të tjera, si person i arrestuar gjatë fushatës elektorale në Dukagjin dhe jo vetëm.

Ndërsa pas hakërimit të e-mailit të ish-drejtorit të Përgjithshëm të Policisë së Shtetit, Gledis Nano, emri i Prek Kodrës, del së fundmi dhe për një plan vrasje me snajper të kryeministrit të Kosovës, Albin Kurti. Deri në këtë fazë, kjo çështje është ndjekur vetëm në kuadër të informacioneve operative në Shqipëri dhe Kosovë.

Ndërsa në asnjë moment nuk është marë asnjë masë ndalimi për Kodrën si person i këtij plani kriminal. Paraprakisht mësohet që planifikohej të vritej Ismet Haxha, dhe më pas Xhavit Haliti. Një muaj pas vrasjes së deputetit të PDK-së, do të vritej edhe Albin Kurti për t’u dukur si akt hakmarrjeje./oranews

IN Promo Marketing

 Eksperienca e blerjeve online arrin në Slloveni!

Rezervo sot dhe shijo fluturimet më të volitshme nga Gjeneva drejt Prishtinës

Furnizohu sot, dhuro shpresë nesër