Antonio Ferrara, krimineli famëkeq i dyshuar për vjedhje të rënda, është arrestuar në Belgjikë mëngjesin e së enjtes, bashkë me shtatë persona të tjerë, përfshirë edhe vëllai i tij.

Siç raporton RTL-i francez, të dyshuarit u arrestuan në Eupen të Belgjikës, ku kanë hasur në rezistencë dhe kanë shkëmbyer gjuajtje me armë zjarri me forcat e rendit atje, përcjell Insajderi.

Zyra e prokurorit të Parisit, e konfirmoi arrestimin e Antonio Ferrara-s si pjesë e një hetimi të udhëhequr nga JIRS e Parisit (Juridiksioni i Specializuar Ndërrajonal i Parisit). 

Sipas informacioneve të RTL‘it, ekipi i kriminelëve të dyshuar, pesë francezë dhe tre belgë, ishin në arrati pas një tentative të dështuar për një sulm të armatosur në një qendër të madhe në Gjermani, ku bankat ruajnë paratë e tyre.

Agjencia ndërkombëtare e lajmeve, Reuters, në raportimin e tyre, iu është referuar Ferraras si “mbreti i arratisjeve”.

“Antonio Ferrara krimineli famëkeq francez dhe grabitësi i bankave i vetëquajtur ‘Mbreti i Arratisjeve’ – është arrestuar pas bashkëpunimit me autoritetet belge, bëri të ditur të enjten ministri i Punëve të Brendshme të Francës, Bruno Retailleau”, thuhet në raportimin e tyre. /Insajderi.org/

IN Promo Marketing

Suksesi i radhës për ‘R & Rukolli Group’: Pijet e reja depërtojnë në tregun gjerman

Intel dhe Nvidia sjellin bashkëpunimin historik: Procesorë Intel me grafikë RTX të integruar

Shërbimi i Telefonave në Zone Mobile: Tani më Lehtë, Më Shpejt dhe Më Lirë!