Çmimi Nobel për Kiminë iu është akorduar 3 personave për zhvillimin e pajisjeve më të vogla të botës, të konsideruara edhe si mikrorobotë.

Jean-Pierre Sauvage, Sir J. Fraser Stoddart dhe Bernard L. Feringa do të ndajnë mes tyre vlerën prej 8 milionë koronash suedeze, rreth 727 mijë paund, për dizenjimin dhe sintetizimin e një makinerie të tillë në përmasa molekulare.

Njoftimi vjen në vazhdën e javës së dedikuar shpërndarjes së Çmimeve Nobel nga Suedia, prej ku emrat e sotëm u shpallën me anë të një konference për shtyp.

Fituesit i bashkohen kështu një liste prestigjioze prej 200 laureatësh të mirënjohur që prej vitit 1901.

Vitin e kaluar, ky çmim iu dha Tomas Lindahl, Paul Modrich dhe Aziz Sancar, për zbulimin e riparimit të ADN-së.