Avionë rusë kanë shkelur hapësirën ajrore të Norvegjisë në tre raste të ndryshme këtë vit. Këtë e ka deklaruar kryeministri norvegjez Jonas Gahr Store, duke theksuar se këto incidente kanë ngritur shqetësime serioze për sigurinë dhe kanë rritur tensionet mes Norvegjisë dhe Rusisë.

“Incidentet në Norvegji janë më të vogla në krahasim me shkeljet ndaj Estonisë, Polonisë dhe Rumanisë, si për nga vendndodhja ashtu edhe për nga kohëzgjatja. Megjithatë, janë incidente që i marrim shumë seriozisht”, tha kryeministri norvegjez.

Store ka shtuar se dy incidente kanë ndodhur në det, në verilindje të Vardo-s, në prill dhe gusht, ndërsa i treti ka ndodhur në një zonë të pabanuar përgjatë kufirit tokësor në Finnmarkun lindor, në korrik. Shkeljet e kufirit, që kanë përfshirë avionë luftarakë SU-24, SU-33 dhe avionë L410 Turbolet, kanë zgjatur nga një deri në katër minuta.

Kryeministri ka theksuar se Norvegjia nuk ka arritur të përcaktojë nëse ato kanë qenë të qëllimshme apo “të shkaktuara nga gabime në navigim”. “Pavarësisht arsyes, kjo nuk është e pranueshme dhe ua kemi bërë të qartë autoriteteve ruse”, ka sqaruar Store.  / abcnews.al /

IN Promo Marketing

Suksesi i radhës për ‘R & Rukolli Group’: Pijet e reja depërtojnë në tregun gjerman

Intel dhe Nvidia sjellin bashkëpunimin historik: Procesorë Intel me grafikë RTX të integruar

Shërbimi i Telefonave në Zone Mobile: Tani më Lehtë, Më Shpejt dhe Më Lirë!