Rreth 480 shtetas shqiptarë kanë aplikuar për azil në Holandë në dy muajt e parë të këtij viti, sipas Ministrisë së Drejtësisë në Holandë.
Siç është raportuar nga gazeta holandeze News online, megjithatë, shanset që t’i japin shqiptarëve statusin e refugjatit janë praktikisht zero, raporton Insajderi.
Sa i përket numrit të sirianëve që kanë aplikuar për azil në Holandë, numri ka rënë nga 5,000 në muaj për disa qindra më pak.
Por sirianët janë ende grupi më i madh nëse përfshijmë edhe familjarët e tyre që vijnë në bazë të skemave të ribashkimit, njofton Dutch News.
Që nga janari i vitit 2015, vetëm katër shqiptarëve iu është ndarë statusi i refugjatit dhe 795 të tjerëve iu është refuzuar ky status. /Insajderi.com
Materialet e publikuara nuk mund të kopjohen ose përdoren pa lejen paraprake të redaksisë së Insajderit.
© 2016-2025 Gazeta Online Insajderi - Të gjitha të drejtat e rezervuara.
