Deputeti i Lëvizjes Vetëvendosje, Dimal Basha, është deklaruar sot para mediave, pak para se të nisë seanca konstituive e Kuvendit të Kosovës, shkruan Insajderi.

Basha tha se është përgjegjësi e të gjithë deputetëve që Kuvendi të konstituohet, dhe sipas tij, kjo varet edhe nga pjesëmarrja e deputetëve shqiptarë të opozitës.

I pyetur nga gazetarët nëse mazhoranca i ka votat për ta zgjedhur kryetarin e Kuvendit, ai iu përgjigj me një dozë humori:

“Numrin tim e kam me vete, besoj që edhe numrat e tjerë janë. Sigurt që ka konsultime. Mendoj që i kemi numrat për qeveri.”

Deputeti shtoi se përkundër rëndësisë së qeverisë së re, zgjedhja e kryekuvendares është një çështje që i takon të gjitha partive politike, duke përmendur se për momentin Vetëvendosje ka propozuar vetëm një emër – Albulena Haxhiun.

“Është mendim hipotetik, vetëm Haxhiu është propozimi. Presim dhe shohim. Është habi si sot nuk janë veteranët e luftës të protestojnë,” tha ai në fund.

IN Promo Marketing

Suksesi i radhës për ‘R & Rukolli Group’: Pijet e reja depërtojnë në tregun gjerman

Intel dhe Nvidia sjellin bashkëpunimin historik: Procesorë Intel me grafikë RTX të integruar

Shërbimi i Telefonave në Zone Mobile: Tani më Lehtë, Më Shpejt dhe Më Lirë!