Deputeti i Partisë Demokratike të Kosovës, Jakup Nura, ka reaguar ashpër ndaj propozimit të Lëvizjes Vetëvendosje për Dimal Bashën si kandidat për kryetar të Kuvendit.

Ai e cilësoi këtë vendim si një “surprizë të pakëndshme”, duke thënë se befasoi madje edhe vetë Vetëvendosjen.

“Propozimi i VV-së është për të ardhur keq. Ata kanë sjellë një emër që i ka befasuar edhe vetë. Besoj se as votat e Vetëvendosjes nuk do të shkonin për Dimal Bashën. Për ne ka qenë një befasi e madhe,” u shpreh Nura.

Ai shtoi se zgjedhja e Bashës për postin e kryeparlamentarit përbën fyerje jo vetëm për votuesit e VV-së, por edhe për të gjithë qytetarët e Kosovës.

“Në ushtri kemi një shprehje: ‘Më mirë është një luan që udhëheq 100 gomarë, sesa një gomar që udhëheq 100 luanë.’ Tash, që Dimal Basha të jetë i pari i Kuvendit, është një fyerje për votuesit e VV-së dhe për gjithë qytetarët e Kosovës,” tha ai.

IN Promo Marketing

Suksesi i radhës për ‘R & Rukolli Group’: Pijet e reja depërtojnë në tregun gjerman

Intel dhe Nvidia sjellin bashkëpunimin historik: Procesorë Intel me grafikë RTX të integruar

Shërbimi i Telefonave në Zone Mobile: Tani më Lehtë, Më Shpejt dhe Më Lirë!