Ish-presidenti i SHBA-së, Barack Obama, ka lajmëruar që projekti tij i parë pas-presidencial do të jetë të ndihmojë gjeneratat e ardhshme të aktivizohen në politikë.

Obama ka bërë këtë njoftim në një panel të Universitetit të Chikagos – që njëherësh është edhe paraqitja e tij e parë publike në një eveniment që prej se Donald Trump u bë president, shkruan The Independent.

“Është një arsye pse unë jam gjithmonë optimist, edhe kur gjërat nuk po shkojnë në mënyrën se si dua, dhe kjo është sepse ka njerëz të rinj si këta”, tha Obama, duke bërë me shenjë nga rinia të cilët i ishin bashkangjitur në panel.

Ish-presidenti tha që ka menduar të punojë në shumë çështje pasi është larguar nga posti, por ka zgjedhur të investojë në udhëheqjen e gjeneratës së ardhshme.

Ai tha që shumë pak Amerikanë janë aktivë në politikë për momentin, duke quajtur pjesëmarrjen në zgjedhje si “shkallën më të ulët të votimeve të një demokracie të zhvilluar.”

Obama gjithashtu përmendi problemin e telefonave të mençur dhe varësisë ndaj tyre. Ai tha që teknologjia moderne ka sjellë më shumë polarizim në media, dhe si rezultat një shoqëri më të ndarë.

Por pavarësisht kësaj, Obama tha që është i angazhuar në krijimin e rrugëve të reja për rininë që të përfshihen në politikë. /Insajderi.com