Oda Ekonomike e Kosovës, ka njoftuar se në bashkëpunim me përfaqësues të sektorit privat, do të organizoj një protestë paqësore që do të mbahet të mërkurën, nga ora 11:00 deri në 12:00.
Kjo protestë sipas njoftimit të OEK-ut do të mbahet në sheshin “Skënderbeu” në Prishtinë.
“Në protestë do të marrin pjesë përfaqësues të bizneseve dhe punëtorët e tyre, të cilët do të kërkojnë nga institucionet përgjegjëse të Republikës së Kosovës, të reflektojnë mbi kërkesat e komunitetit të biznesit për një fazë tranzicioni në procesin e daljes në tregun e lirë të energjisë”, thuhet në njoftimin e kësaj ode.
Materialet e publikuara nuk mund të kopjohen ose përdoren pa lejen paraprake të redaksisë së Insajderit.
© 2016-2025 Gazeta Online Insajderi - Të gjitha të drejtat e rezervuara.
