Gazetari Parim Olluri ka reaguar ashpër ndaj Qeverisë Kurti pas rastit të një 33-vjeçari nga diaspora, i cili po dyshohet se u mbyt ditë më parë në Liqenin e Ujmanit.

Ai ka thënë se familja e viktimës mund të ngrisë padi ndaj shtetit të Kosovës për neglizhencë, duke e cilësuar këtë rast si pasojë të papërgjegjësisë institucionale.

“Familja e mërgimtarit që vdiq në Ujman mundet me ngritë padi kundër shtetit të Kosovës, konkretisht Qeverisë Kurti. Disa ditë pasi ai vdiq, një zyrtar shtetëror deklaroi se nga ndërmarrja ‘Iber-Lepenc’ do të vendosen shenja sinjalizuese që tregojnë se nuk lejohet hedhja në ujë në zonën ku gjeti vdekjen mërgimtari. I kanë parë njerëzit duke u larë nëpër Ujman dhe nuk kanë vendosur asnjë shenjë që tregon për rrezikshmërinë. U kanë bërë edhe thirrje njerëzve me shku atje. Çfarë skandali! Çfarë papërgjegjësie!”, ka shkruar Olluri në Facebook.

Ai po ashtu ka kritikuar Qeverinë për politizimin e angazhimit të FSK-së në veri, duke thënë se kjo është një përpjekje për të ikur nga përgjegjësia.

“Futja e sërishme e FSK-së në veri për aksion humanitar nuk është kurrfarë suksesi. Politizimi i aksionit është tendencë edhe për t’i ikur fajit që ka kjo qeveri për vdekjen e një të riu”, tha ai.

IN Promo Marketing

Suksesi i radhës për ‘R & Rukolli Group’: Pijet e reja depërtojnë në tregun gjerman

Intel dhe Nvidia sjellin bashkëpunimin historik: Procesorë Intel me grafikë RTX të integruar

Shërbimi i Telefonave në Zone Mobile: Tani më Lehtë, Më Shpejt dhe Më Lirë!