Nënkryetari i komunës se Prishtinës, Dardan Sejdiu, nga Lëvizja Vetëvendosje, ka thënë se deklaratat e kryeministrit Mustafa nuk qëndrojnë dhe se, sipas tij, Kosova jo që nuk ka zhvillim të duhur ekonomik, por vazhdon të jetë shteti me i varfër në Evropë.

“Rreth 40 % e popullatës, e cila është në gjendje të punojë, është e papunë. Jemi duke folur për vendin, i cili e ka disbalancin më të madh tregtar në rajon dhe Evropë. Dymbëdhjetë fish më shumë importojmë sesa që eksportojmë”, ka thënë Sejdiu për Radio Evropa e Lirë.

Sejdiu, duke folur për deklaratat e kryeministrit Mustafa, ka theksuar se ministrat e kabinetit qeveritar nuk janë të interesuar që të zgjidhin probleme ekonomike, por siç u shpreh ai “ata janë të interesuar të flasin për higjiena administrative”.

Ndërkohë, edhe kryetari i Odës Ekonomike të Kosovës, Safet Gerxhaliu, i bën thirrje kryeministrit që të mobilizohet për të dalë nga situate aktuale ekonomike, e cila sipas Gerxhaliut, nuk është ajo që Mustafa po pretendon.

“Nëse e kemi këtë realitet të varfërisë ekstreme, nëse e kemi ketë shkallë të papunësisë dhe nëse kemi këtë rënie të investimeve të huaja dhe kemi këtë de-balancë me bilancin tregtar, vërtet, kemi shumë arsye më të mëdha për t’u mobilizuar për të dalë nga një situatë e krijuar, sesa për të shprehur eufori për rezultate të arritura”, tha Gerxhaliu.

Gerxhaliu bëri thirrje për më pak eufori dhe më shumë paraqitje të realitetit, pasi kjo nuk i ndihmon situatës ekonomike të Kosovës. /Insajderi.com

IN Promo Marketing

KESCO prezanton oferta të reja për bizneset në tregun e hapur

Numërimi i ditëve ka filluar – më 3 Tetor zbulohet fituesi i madh

Meridian Express për ditëlindjen e 13-të, dhuron 10,000 € për kampanjën “Biblioteka e Fëmijëve në Pallatin e Rinisë”