Nesër deputetët e Kuvendit të Kosovës do të mblidhen për një seancë plenare, ku do të shqyrtohet Projektligji për ndarjet buxhetore për Buxhetin e Kosovës për vitin 2025.

Seanca do të fillojë në orën 10:00 të paradites.

Në mbledhjen e Kryesisë së Kuvendit më 4 nëntor, opozita, përfaqësuar nga PDK-ja, LDK-ja dhe AAK-ja, ka paralajmëruar se nuk do ta votojnë buxhetin e propozuar për vitin 2025, i cili është vlerësuar në 3.6 miliardë euro.

Nga ana tjetër, Lëvizja Vetëvendosje, partia në pushtet, ka deklaruar se ka shumicën parlamentare për ta miratuar këtë projektbuxhet.