Një i moshuar është dërguar në gjendje të rëndë shëndetësore në QKUK. Gazeta Insajderi raporti se si një veturë në magjistralen Podujevë-Prishtinë kishte goditur një të moshuar.

Gjendjen e tij e ka konfirmuar drejtori i Klinikës Emergjente në Qendrën Klinike Universitare të Kosovës, Naser Syla.

“Pacienti ka ardhur në gjendje të rëndë”, tha ai për Insajderin.

Aksidenti ka ndodhur në fshatin Lluzhan.

Në vendin e ngjarjes ka dalë Policia e Kosovës ndonëse një raport zyrtar për rastin ende nuk kanë dërguar.