Pacolli: Kemi vija të kuqe me njerëzit brenda partive dhe jo me partitë – Insajderi
×
  • Lajme
  • Lajme

    Pacolli: Kemi vija të kuqe me njerëzit brenda partive dhe jo me partitë

    Insajderi
    19 March 2017 - 09:21
    Klikoni Këtu për t'u bërë pjesë e kanalit të Insajderit në Youtube.

    Kryetari i Aleancës Kosova e Re, Behgjet Pacolli, nuk e ka përjashtuar mundësinë e koalicionit me PDK-në, edhe pse prej saj ishte ndarë e zhgënjyer gjatë bashkëqeverisjen.

    Ai ka thënë se në secilën parti ka njerëz të mirë, dhe AKR-ja nuk ka limite me partitë, por me disa njerëz brenda atyre partive, të cilët, sipas tij, e përbëjnë vijën e kuqe të bashkëpunimit.

    “Ne jemi njerëz të politikës, dhe në politikë, atë çka e kam mësuar, nuk kishte limite dhe nuk duhet askush të limitohet. Por një e them – edhe PDK-ja ka njerëz të mirë”, ka thënë Pacolli në emisionin ‘Personale’ në TV Dukagjini.

    Vlerësimi i tij është se AKR-ja kësaj radhe do të jetë në pozitë që ta zgjedhë partnerin e koalicionit.

    “Kësaj radhe AKR-ja do të kuptohet më mirë nga qytetarët e Kosovës, AKR-ja do të marrë aq shumë vota saqë do ta ketë mundësinë ta zgjedhë partnerin e vet”, ka shtuar Pacolli gjatë kësaj interviste./Insajderi.com

     


    OP-ED
    Nga Rubrika
    x

    © 2016-2025 Gazeta Online Insajderi - Të gjitha të drejtat e rezervuara.

    Impressum

    Kontakt

    Trademark