Ish-presidenti i Kosovës dhe kryetari i Aleancës Kosova e Re, Behgjet Pacolli, ka thënë se në partinë e tij janë duke u bërë reforma rrënjësore me qëllim që kjo parti të fitojë 20 për qind të votave në zgjedhjet e ardhshme parlamentare.

Sipas Pacollit, me përqindje të tillë ai mund të arrijë që të ketë rol udhëheqës në ekzekutivin e vendit.

“E kemi parë që nëse nuk i ke frenat në dorë atëherë edhe zëri yt nuk dëgjohet”, ka thënë ai.

“Jam duke ndërmarrë reforma të mëdha në parti. Dhe kjo periudhë e kaluar besoj se i ka shërbyer shumë AKR-së që të filtrohet nga element të tillë të njerëzve që partinë e kanë konsideruar si trampolinë për të kërcyer në pozita që sjellin përfitime thjesht personale”, ka thënë ai.

“Po marr mbështetje të madhe veçanërisht nga rinia me të cilët jam në kontakt çdo ditë. Të dielën rreth 100 të rijnë nga Prizreni më ftuan në një takim dhe aderuan në AKR. Pra mund të ju konfirmoj se AKR po formësohet si alternativa e vetme e ndryshimit në vend”, ka shtuar Pacolli në një intervistë për Klan Kosovën.

Partia e Pacollit nuk ka arritur që të kalojë pragun në zgjedhjet e fundit parlamentar.  Por, në zgjedhje lokale, AKR ka arritur që të fitojë në dy komuna – Gjakovë e Mitrovicë.

Ai po harton një strategji për reforma rrënjësorë në ekonomi që sipas tij do të mundësojnë krijimin e vendeve të reja të punës./Insajderi.com

IN Promo Marketing

VIPA sjell risi në treg: MAXI tashmë i disponueshëm me dy shije të reja

KESCO prezanton oferta të reja për bizneset në tregun e hapur

Numërimi i ditëve ka filluar – më 3 Tetor zbulohet fituesi i madh