Kryetari i Aleancës Kosova e Re (AKR), Behgjet Pacolli, ka reaguar pas sulmeve të pushtetit ndaj gjyqtarëve e prokurorëve.

Ai ka shkruar në rrjete sociale, se në vendet civilizuese kjo nuk ndodh.

“Në botën civilizuese, sidomos në shtetet më të zhvilluara dhe me demokraci të konsoliduar (flas nga përvoja e gjatë jetësore në perëndim), asnjëherë nuk kam dëgjuar që udhëheqësit e shtetit të ofendojnë gjyqtarët dhe prokurorët e tyre”, ka thënë ai.

“Nuk kam dyshime për aftësitë e Kryeministrit tonë në udhëheqjen me popullin e Kosovës, por jam shumë kurioz për të kuptuar se çfarë kontribon në “qeverisjen me duar të pastërta”, kur njerëzit që ndihmojnë në këtë proces (prokurorët dhe gjyqtarët), nga vet drejtuesit e shtetit sulmohen”, ka thënë më tej Pacolli.

Pacolli ka marrë shkas pasi akterë të Lëvizjes Vetëvendosje e kanë sulmuar Prokurorinë për dosjen ndaj tre të arrestuarve për keqpërdorime me rezerva shtetërore.

Kryesori në keqpërdorime, sipas dosjes së Prokurorisë, është miku i kryeministrit Kurti, Ridvan Muharremi.