Në një tubim të organizuar nga dega e LDK-së në Magurë të Lipjanit, një moment i vogël, por i rëndësishëm politik, ka tërhequr vëmendjen e të gjithëve, ish-deputeti Naser Osmani, nuk është ngritur në këmbë kur u prezantua Imri Ahmeti si kandidat për kryetar të Komunës.

Ky gjest i ftohtë, duket se shpreh pakënaqësinë e Osmanit ndaj drejtimit aktual të LDK-së në Lipjan. Në heshtje, ai ka dërguar një mesazh politik të qartë, nuk pajtohet më me mënyrën se si po udhëhiqet dega lokale, duke ndezur diskutime të nxehta mes strukturave të partisë.

LDK-ja në Lipjan po përballet me një zgjedhje të vështirë: të hapet për ndryshim dhe rinovim, ose të mbetet peng i një lidershipi që nuk njeh kufirin e pushtetit. Ky moment mund të jetë sinjali i parë i një rebelimi të brendshëm ndaj Ahmetit, i cili kërkon të vazhdojë mandatin e katërt si “pushtet personal”.

Ky zhvillim hedh dritë mbi tensionet e brendshme dhe sfidat që presin LDK-në në Lipjan në muajt e ardhshëm.

IN Promo Marketing

Kompleksi JONI – Jetë e qetë në zemër të “Prishtinës së Re”

VIPA sjell risi në treg: MAXI tashmë i disponueshëm me dy shije të reja

KESCO prezanton oferta të reja për bizneset në tregun e hapur