Policia e Kalifornisë ka publikuar pamje që më shumë i ngjajnë video-lojërave sesa një ngjarjeje të vërtetë. Megjithatë, rasti ndodhi njëmend në Shtetet e Bashkuara.
Nga pamjet e siguruara nga kamera në trupin e një polici shihet se si një pilot shpëtohet për pak sekonda nga një aeroplani që e kishte ulur me ulje emergjente në binar të trenit. Pak pas tërheqjes së tij, treni e godet aeroplanin e vogël, duke e bërë copë-copë.
Piloti ishte i vetëm në aeroplan dhe u dërgua në një qendër të traumas. Për fat të mirë, në këtë rast të pazakontë nuk pati të lënduar të tjerë.
Autoritetet e bllokuan qarkullimin e trafikut në zonë për të zhvilluar hetime rreth aksidentit.
Materialet e publikuara nuk mund të kopjohen ose përdoren pa lejen paraprake të redaksisë së Insajderit.
© 2016-2025 Gazeta Online Insajderi - Të gjitha të drejtat e rezervuara.
