Imazhet satelitore nga Maxar Technologies treguan një turmë të madhe njerëzish të mbledhur përgjatë rrugës Salah Eddin në Gaza të premten në mëngjes duke u përpjekur të iknin në jug përgjatë korridorit të evakuimit.

Izraeli në dy javët e fundit kishte shpallur korridorin e evakuimit për periudha të caktuara përgjatë rrugës, një nga dy autostradat veri-jug në Gaza.

Palestinezët kanë përshkruar kushte të vështira në rrugën e tyre për në autostradë. Një burrë që nuk dha emrin e tij i tha një gazetari të CNN në Gazën jugore se ai dhe fqinjët e tij kishin jetuar “ditë të tmerrshme”.

“Nuk ka vend të sigurt në Gaza,” tha ai.

“Ne jemi shtatë familje. Të gjitha shtëpitë tona janë zhdukur. Nuk ka mbetur asgjë. Ne nuk mund të merrnim asgjë – pa rroba, pa ujë, asgjë. Rruga deri këtu ishte shumë e vështirë. Nëse diçka bie, nuk ju lejohet ta merrni atë. Nuk ju lejohet të ngadalësoni. Kufoma kudo”, shtoi ai, transmeton KlanKosova.tv.

Sipas Zyrës së Kombeve të Bashkuara për Koordinimin e Çështjeve Humanitare, rreth 200,000 njerëz u larguan nga Gaza veriore nga 5 nëntori deri më 14 nëntor përmes korridorit.

OCHA tha se ata që janë zhvendosur në jug janë përballur me “mbipopullimin dhe aksesin e kufizuar në strehim, ushqim dhe ujë”.