Papa Leo XIV ka konfirmuar se skuadra e tij e preferuar e futbollit është Roma, pasi është takuar me një tifoz.

Udhëheqësi i parë amerikan i Kishës Katolike globale iu përgjigj një mbështetësi të Giallorossëve duke përsëritur frazën e njohur në kryeqytet “Forza Roma!”.

Një anëtar i lartë i urdhrit të tij fetar, i cili e ka njohur Papa Leon XIV për katër dekada, kishte detajuar se si 69-vjeçari është një tifoz i zjarrtë i sportit.

Me origjinë nga Çikago, ai është gjithashtu një tifoz i ekipit të bejsbollit White Sox në MLB, dhe pamjet virale të ndërveprimit të tij me një tifoz italian duket se kanë konfirmuar pretendimin e At Joseph Farrell.

“Ai është një lojtar i rregullt tenisi. Ai vinte dhe luante në fushat tona të paktën një herë në javë”, deklaroi Vikari i Përgjithshëm i Augustinianëve për Reuters të premten. “Ai është tifoz i Romës deri në fund”.

Ndërsa Roma nuk e konfirmoi përkatësinë e tij, skuadra e Serie A e mirëpriti Papën e ri pas zgjedhjes së tij.

Një deklaratë në rrjetet sociale thoshte: “AS Roma i bashkohet gëzimit me Romën dhe botën pas zgjedhjes së Papa Leo XIV dhe i uron atij gjithë të mirat për papatin e tij”.

IN Promo Marketing

Suksesi i radhës për ‘R & Rukolli Group’: Pijet e reja depërtojnë në tregun gjerman

Intel dhe Nvidia sjellin bashkëpunimin historik: Procesorë Intel me grafikë RTX të integruar

Shërbimi i Telefonave në Zone Mobile: Tani më Lehtë, Më Shpejt dhe Më Lirë!