Ditën e mërkurë vazhdon të mbretëroj mot i nxehtë, kryesisht me kthjellime e diell, edhepse fillojnë të kalojnë më shpesh vransira shtresore të larta. Temperaturat maksimale shkojnë deri në 29C e 30C, ndërsa minimalet zbresin në 11C e 14C. Frynë erë e lehtë dhe mesatare jugore e jugperëndimore 2-7m/s.
Më shpesh vransira kalojnë në vend ditën e enjtë, megjithëse nuk mungojnë intervale me diell. Aty këtu mund të ketë riga lokale shiu.
Temperaturat zbresin lehtazi në 26C e 27C. Vransirat dominojnë vendin ditën e premtë. Pasdite më vonë mund të ketë zhvillime të rrebesheve të shiut.
Mot më i ftohtë, kryesisht me vransira dhe të reshura shiu kohëpaskohe po parashihen në fundjavë. Maksimalet zbresin në 16C e 17C, e ato minimale deri në 10C. Erërat ndryshojnë drejtimin në lindje, e frynë të lehta dhe mesatare 4-10m/s.
Materialet e publikuara nuk mund të kopjohen ose përdoren pa lejen paraprake të redaksisë së Insajderit.
© 2016-2025 Gazeta Online Insajderi - Të gjitha të drejtat e rezervuara.
