Gjatë natës në disa zona të Kosovës ka pasur intervale të reshjeve të borës të cilat do të vazhdojnë në shumë rajone edhe gjatë ditës së Mërkurë. Në viset malore priten intervale reshjesh të dendura bore, por edhe në disa zona tjera, megjithatë reshjet  do të jenë të karakterit lokal. Gjatë ditës në disa ultësira ka mundësi që të ketë edhe reshje të përziera me shi, kurse në mëngjes dhe mbrëmje mund të ketë shi të ngrirë.

Pra, sot në Kosovë pritet të mbajë mot i vranët e me reshje të herëpashershme, lokale bore.

Në mesditë lokalisht mund të ketë edhe shqote dhe shi .Vende-vende priten rritje të shtresave të borës e sidomos në viset kodrinore-malore, por edhe në disa zona të ulëta. Temperaturat nga -1 deri në 4 gradë Celsius.