Ministria e Shëndetësisë, tha se nga sot përfundon kufizimi orarit të punës, vendim që ishte marrë marrë javën e kaluar për disa kategori si pasojë e temperaturave të larta.

Sipas MSH-së, në javën e ardhshme temperaturat do të zbresin dhe nuk do ketë rrezik për kategoritë e cenueshme të shoqërisë.

“Pas konsultimeve me Institutin Kombëtar të Shëndetësisë Publike dhe Institutin Hidrometeorologjik, Ministria e Shëndetësisë njofton se vendimi për kufizimin e orarit të punës për disa kategori shoqërore për shkak të temperaturave të larta përfundon sot, më 20 korrik 2024. Sipas parashikimeve, java e ardhshme do të karakterizohet nga temperatura që nuk paraqesin rrezik për kategoritë e cenueshme të shoqërisë. Ministria e Shëndetësisë do të vazhdojë të monitorojë situatën klimatike dhe të bashkëpunojë me institucionet përkatëse për të siguruar mbrojtjen e shëndetit të qytetarëve”, thuhet në vendim.