Kryeministri në detyrë, Albin Kurti, u kritikua pasi u paraqit në Gjykatën Themelore në Prishtinë në rastin ku ish-udhëheqësi i Organizatës së Veteranëve të Luftës së Ushtrisë Çlirimtare të Kosovës, Faton Klinaku, dhe Nuredin Selmani akuzohen për kanosje ndaj tij.

Kurti u paraqit në gjykatë, ndërsa pati reagime të shumta për faktin se ai po refuzon të dëshmojë në Prokurori për rastin e rezervave shtetërore.

Deputeti i LDK-së, Paris Guri, ka reaguar ndaj një detaji tjetër nga paraqitja e Kurtit në gjykatë. Ai u pa i rrethuar nga shumë truproja, ndërsa tre prej tyre e shoqëruan edhe brenda sallës.

Guri e ka pyetur Kurtin nëse i ka ardhur turp kur i ka parë gjyqtarët e prokurorët, për të cilët ai vetë kishte deklaruar se duhet të kenë mbrojtje të afërt, e jo kryeministri.

“Qysh bre kryeministër, me truproje në vendin ma të sigurt të shtetit. A të erdh marre kur i pe prokurorët e gjyqtarët, a tu kujtojke kur thoshe se ata duhet me pasë mbrojtje të afërt, jo kryeministrat”, ka shkruar Guri.

IN Promo Marketing

Suksesi i radhës për ‘R & Rukolli Group’: Pijet e reja depërtojnë në tregun gjerman

Intel dhe Nvidia sjellin bashkëpunimin historik: Procesorë Intel me grafikë RTX të integruar

Shërbimi i Telefonave në Zone Mobile: Tani më Lehtë, Më Shpejt dhe Më Lirë!