Komiteti i të Drejtave Civile, Drejtësisë dhe Çështjeve të Brendshme të Parlamentit Evropian janë pajtuar sot (7 korrik) që lëvizja e lirë pas liberalizimit të vizave për qytetarët që nuk i përkasin vendeve të Bashkimit Evropian, mund të suspendohet në raste të veçanta.

Deputetët e Parlamentit Evropian  kanë vendosur sot se Bashkimi Evropian duhet ta ketë një mekanizëm të suspendimit të  lëvizjes së lirë për qytetarët që nuk i përkasin BE-së, në rast të ndonjë emergjence siç mund të jetë abuzimi me lëvizjen e lirë për vendet përkatëse që nuk janë pjesë e BE-së.

Ky mekanizëm suspendimi do të aplikohet për të gjitha vendet jo të BE-së të cilat kanë marrëveshje për lëvizje të lirë me BE-në.

Siç njofton lajmi.net, së fundi BE-ja ka rekomanduar lëvizje të lirë në zonën Schengen për Kosovën, Ukrainën  Gjeorgjinë, ndërkohë që vendimi pastaj duhet të aprovohet nga vendet anëtare.