Partia në pushtet, Lëvizja Vetëvendosje ka deklaruar se përgjatë periudhës së tremujorit të tretë të vitit i ka shpenzuar 351 mijë e 708 euro.

Sipas të dhënave që Vetëvendosja ia ka dorëzuar Komisionit Qëndror të Zgjedhjeve (KQZ), partia e Kurtit pati afro 258 mijë euro shpenzime të përgjithshme. Afro 195 mijë euro ishin vetëm paga, kurse 55 mijë euro qira për zyrë.

VV’ja në anën tjetër i ka 29 mijë euro shpenzime në transport. 12 mijë euro në karburante, afro 14 mijë euro në transportimin e njerëzve/mallrave dhe tre mijë euro në mirëmbajtje të automjeteve.

Po ashtu, 35 mijë euro i ka deklaruar si shpenzime për kategorinë “blerja e mallrave”. Këtu futen materiali harxhues, inventari i zyrës, si dhe ushqimi e pijet.

Shpenzime të mëdha Vetëvendosja pati edhe në “përfaqësim”. 27 mijë e 652 euro totali.

VV’ja i ka deklaruar gjithsej të hyra 2,3 milionë euro. /Insajderi.org/